Од Основното јавно обвинителство Куманово денеска соопштија детали за двојното убиство Кратово, кое ја потресе македонската јавност.
Обвинителството донело Наредба за спроведување истражна постапка против 36 – годишна жителка на Кратово, осомничена дека сторила кривичнo делo убиство, информираа од таму.
„При вршење семејно насилство на 13. јуни, осомничената со умисла ги лишила од живот сопругот и свекорот. По претходна вербална расправија, сопругот физички ја нападнал осомничената, удирајќи ја со тупаници во пределот на главата и телото, а потоа со рацете ја фатил за вратот и почнал да ја дави.
Таа успеала да се тргне и од кујната зела кујнски нож со кој најпрвин го прободела сопругот, а потоа и неговиот татко. Од повредите тие починале на лице место.
По предлог на јавниот обвинител, судијата на претходна постапка и определи 30-дневен притвор на осомничената“, соопшти Обвинителството.
ПОВРЗАНИ ВЕСТИ
Познат идентитет на жената од Кратово која ги уби сопругот и свекорот: Детали од МВР