Од ЗК Пелагонија АД Битола информираа дека го платилe долгот кон Бетон Штип, со што како што велат од таму е отстранета причината за поведување на стечајна постапка.
-Комбинатот продолжува со своето редовно работење и финализирање на есенската сеидба. Во моментов се посеани 6.500 ха есенски култури, што во услови на незапаметена суша во последните години е голем успех за сите вработени и за Kомбинатот, кој и покрај ниските приноси и финансиски приходи од пролетните култури, успешно ќе ја заврши сеидбата на пченица.
Сакаме да информираме дека последниве три години се соочуваме со голема суша, намалени приноси како резултат на климатските промени и екстремно ниски цени на земјоделските производи што не доведоа во ситуација да се соочиме со намалена ликвидност.
Очекуваме дека во нареден период ќе се зголеми свеста во Македонија за важноста на нашата дејност, производството на храна и дека и државата и банките ќе имаа посериозен пристап за помош и развој на оваа важна стопанска гранка, велат од таму.
ПОВРЗАНИ ВЕСТИ
Постапка за стечај за ЗК Пелагонија на барање на штипски Бетон
Фото: Унсплеш