Македонија е загрижена за отстапувањето од договорениот протокол, стои во протесната нота на земјава која денеска му била врачена на бугарскиот амбасадор Желјаско Радов, бидејќи на средбата на македонската претседателка Гордана Сиљановска Давкова со нејзиниот колега Румен Радев во Софија, Бугарија, го немаше македонското знаме.
ПОВРЗАНИ ВЕСТИ
Зошто го нема македонското знаме на средбите на Сиљановска Давкова и Љутков во Бугарија?
-Денеска, во Министерството за надворешни работи и надворешна трговија беше повикан амбасадорот на Република Бугарија, Желјаско Радов, каде беше изразена загриженост поради отстапувањето од договорениот протокол за фотографирањето на двајцата претседатели, при што дополнително беше побарано објаснување од бугарската страна.
Во разговорот со бугарскиот амбасадор беше потенцирано дека средбата и заедничкиот ручек на двајцата претседатели поминале во пријателска атмосфера.
Дополнително, на амбасадорот Радуков му беше укажано дека Министерството за надворешни работи и надворешна трговија е непријатно изненадено од последната изјава на амбасадорот Ангел Димитров, претседавач на бугарскиот дел од Заедничката мултидисциплинарна експертска комисија за историски и образовни прашања, дадена во емисијата „Офанзива со Љубомир Огњанов“ на Нова вести.
Изјавата во основа го нарушува начелото дека претседавачот на експертската комисија не треба да дава политички изјави за Владата на соседна држава, која е легитимно избрана. Сметаме дека оваа изјава е несоодветна и непримерна.
На средбата во Министерството за надворешни работи и надворешна трговија, на амбасадорот Радуков, исто така, му беше пренесено дека Македонија и понатаму останува посветена на позитивен развој, унапредување и зајакнување на билатералните односи и соработката во сите области од заемен интерес за двете држави и нивните народи, за што беше потврдена подготвеност и од другата страна, се наведува во денешното соопштение на македонското Министерство за надворешни работи и надворешна трговија.
ПОВРЗАНИ ВЕСТИ
Бугарскиот амбасадор одбил да ја прими протестната нота