Одбиена е жалбата на врховниот судија Наке Георгиев, кој доби 30-дневен притвор за поткуп од 10 илјади евра.
Како што информираа денеска од Основниот кривичен суд Скопје, Кривичниот совет од Одделението за гонење организиран криминал и корупција при Судот донел одлука тој да остане во притвор.
„Денеска, по барање на одбраната на осомничениот одржа јавна седница на која по произнесување на одбраната и обвинителот во однос на наводите во предлогот за определување мерка притвор донесе решение со кое жалбата на одбраната се одбива како неоснована и се потврдува решението на судија на претходна постапка со кое му се определува мерка притвор во траење од 30 дена, заради постоење на основите од чл. 165 ст. 1 т. 2 и 3 од ЗКП.
Против ова решение странките имаат право на жалба пред Апелациониот суд Скопје“, велат од Судот.
ПОВРЗАНИ ВЕСТИ
Кој е судијата Георгиев кој поради поткуп доби притвор од 30 дена
Каков имот пријавил судијата Георгиев, кој заврши во притвор за поткуп