Оилко КДА Скопје лани остварил вкупни приходи од 845,332 милиони денари и во однос на претходната година истите бележат зголемување од 9,36%, соопшти Друштвото преку Македонската берза.
-Во структурата на вкупно остварените приходи, најголемо учество имаат приходите од продажба на домашен пазар со 82,08%, кои во споредба со остварените приходи од продажба на домашен пазар во 2023 година се зголемени за 7%.
Остварените вкупни расходи во 2024 година изнесуваат 629,638 милиони денари и во однос на минатата година бележат зголемување од 21,9%.
Во структурата на вкупно остварените расходи, најголемо учество имаат трошоците за вработените со 37,71%, кои во споредба со остварените трошоци за вработените во 2023 година се зголемени за 31 %.
Во 2024 година, Друштвото оствари добивка по оданочување во износ од 202,768 милиони денари и истата е намалена за 14,91% во однос на добивката по оданочување остварената во 2023 година.
Ваквиот резултат се должи на незначително зголемување на оперативните приходите од транспорт на деривати на домашниот и странскиот пазар и истовремено значително зголемување на оперативните расходи како резултат на зголемените трошоци за вработените и реализираните трошоци за успешно спроведена постапка за преземање на обични акции со право на глас, велат од таму.
ПОВРЗАНИ ВЕСТИ
Оилко лани со зголемена добивка