Бугарскиот претседател Румен Радев, коментирајќи ја изјавата на македонскиот премиер Христијан Мицкоски дека е подготвен кога било и каде било да разговара со него за решение за спорот помеѓу двете земји, откако се појави неофицијална информација за можна средба на двајцата во ноември во Будимпешта, Унгарија, изјави дека преговорите со Скопје се завршени пред две години, а дијалогот треба да го продолжи со Европската унија (ЕУ).
Смета и дека нема потреба од било какво посредување помеѓу двете земји.
„Мојот став по тоа прашање е јасен и добро познат. Јас секогаш сум бил отворен за дијалог. Но, исклучително важно е да се прави разлика меѓу дијалог и преговори. Тоа се две различни работи.
Преговорите меѓу Бугарија и Северна Македонија завршија во јули 2022 година кога двете држави го потпишаа двостраниот протокол врз основа на Договорот за пријателство, добрососедство и соработка.
Ако зборуваме за дијалог, тој треба да се води меѓу Северна Македонија и Европската комисија, и тоа врз основа на прифатената Преговорачка рамка за Северна Македонија, која со консензус, едногласно е усвоена од сите земји членки на ЕУ и е прифатена од Владата на Северна Македонија.
Значи, таму треба да се води дијалог, и тоа дијалог за условите кои треба да ги исполни Северна Македонија за да може да ги отопочне преговите за членство во ЕУ. Сите овие работи јас многу добро сум ми ги објаснил и на премиерот Виктор Орбан и тука нема никаква потреба од посредување“, изјави тој.
ПОВРЗАНИ ВЕСТИ
Тешко ќе биде прифатен предлогот за одложена примена на уставните измени, вели евроамбасадорот Рокас
Фото: Кабинет на претседателот