еМагазин
Image default
Локално ТОП СТОРИИ

Приведени пет работници од Турција и Кина во демиркаписко

Од Министерството за внатрешни работи информираа дека на 04.06.2024 година во 12.30 часот, полициски службеници од Одделот за прекуграничен криминал, миграции, странци и реадмисија при Регионалниот центар за гранични работи Југ во содејство со Државен инспектор за труд извршиле контрола на градилиште над с.Дрен, демиркаписко.

При контролата, на градилиштето биле затекнати С.В. (47), А.Х. (33) и А.Р. (60), сите од Република Турција, при што било констатирано дека престојуваат спротивно на целта, односно биле работно ангажирани за фирма од Скопје без да имаат одобрение за престој врз основа на вработување.

Поради сомнение за сторен прекршок по член 217 став 1 од Закон за странци лицата биле приведени во Полициската станица за граничен надзор Михајлово.

Подоцна, во 12.45 часот на земјен пат од с.Дрен кон истото градилиште, полициски службеници од Полициската станица за граничен надзор Михајлово извршиле контрола на патничко возило „дачиа дастер” со скопски регистарски ознаки, управувано од С.Ц. (34), а сопатник бил М.З. (28), двајцата од Народна Република Кина.

Притоа, било констатирано дека двајцата немаат пријавено престој во државата, односно постапиле спротивно на член 190 став 3 од Законот за странци.

Тие, исто така, биле приведени во Полициската станица за граничен надзор Михајлово.

Против турските и кинеските државјани е поднесено Барање за поведување на прекршочна постапка, а од Основен суд Неготино изречени им се глоби од по 200 евра и мерка за доброволно враќање во рок од седум дена.

Фото: МВР

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Црногорската полиција демантира дека во дискотека бил нападнат црногорскиот премиер Абазовиќ

Редакција

Средба Османи-Фархан Ал Сауд: Голем потенцијал за директни инвестиции во земјава, како и пласман на земјоделските производи

Редакција

Романската православна црква ја призна автокефалноста на МПЦ-ОА

Редакција