Првата официјална посета во странство на македонската претседателка Гордана Силјановска Давкова ќе биде на Ватикан и Рим, предводејќи ја македонската делегација за чествувањето на сесловенските просветители Св. Кирил и Методиј.
Во исто време според најавите на бугарските медиуми за истиот повод во Ватикан ќе биде и бугарскиот претседател Румен Радев, но засега е неизвесно дали тие двајцата ќе имаат некаква средба.
Претседателката на 23. мај ќе има аудиенција кај Папата Франциск, а потоа средба и со генералниот секретар за односи со државите на Ватикан.
Чествувањето ќе се одржи на 24. мај со посета на базиликата Свети Климент каде се наоѓа гробот на Св. Кирил, а потоа и во базиликата Санта Мариа Маџоре, каде ќе постави венец на плочата испишана на македонски јазик.
Во рамки на посетата на Рим, Силјановска ќе се сретне и со италијанскиот претседател Серџо Матарела.
Дел од македонската делегација ќе бидат и четворица претставници од Министерството за култура, предводени од заменик министерот Онур Али, членови на Кабинетот на претседателката, директорот на Комисијата за односи со верските заедници и религиозни групи, Даријан Сотировски, а делегацијата на МПЦ-ОА ќе ја предводи митрополит Тимотеј.
ПОВРЗАНИ ВЕСТИ
Ѓорѓи Божинов именуван за генерален секретар на Кабинетот на Силјановска
Фото: Собрание