Кадарот на ДУИ, Талат Џафери, кој на последните парламентарни избори беше избран за пратеник останува на позицијата – технички премиер додека не се избере нова влада.
До тогаш нема да учествува во работата и одлуките на Собранието, најави тој на вчерашната конститутивна седница на новиот парламентарен состав.
„Ја известувам јавноста да ги извести соодветните институции официјално дека како премиер и како владин состав, врз основа на заклучокот на овој владин состав, ќе продолжам да ги вршам должностите и обврските што извираат од функцијата премиер на земјата до изборот на идната влада од овој владин состав, и нема да учествувам во работата на Собранието и со тоа, врз основа на Законот за спречување или превенција на корупција и заради спречување на корупција и конфликт на интереси, затоа што не може во исто време да носам две должности, две функции, и поради оваа причина, до изборот на идната Влада, нема да учествувам во работата на Собранието и во одлучувањето во Собранието, за да ги исполнам законските одредби на Законот за спречување на корупција и конфликт на интерес.
Ова е за да се информираат сите, за да се надминат сите дилеми во однос на прашањето на понатамошното функционирање на институциите“, рече тој.
ПОВРЗАНИ ВЕСТИ
Општина Сарај остана без градоначалник, Блерим Беџети стана пратеник
Фото: Влада