Апелациониот суд Скопје пушти од притвор обвинет организатор на криминална група за трговија со дрога и оружје, кој претходно од Албанија, каде избегал, бил екстрадиран во Македонија.
Телевизијата Телма објави дека станува збор за Валмир Етеми (32) од Струга, а Судот ја прифатил неговата жалба и гаранцијата – хипотека во недвижен имот вреден над 600 илајди евра.
Етеми добил и мерки на претпазливост – редовно јавување во суд и одземање на патна исправа.
Бил во притвор од мај, а истиот му е укинат во петокот.
Од Основното јавно обвинителство за гонење организиран криминал и корупција претходно информираа дека дале негативно мислење за негово пуштање од притвор.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.