Татјана Јанушева оваа сезона престојува во Париз и помеѓу другите проекти беше дел и од модната ревија на брендот ФИЛА каде за прв пат ја промовираа колекцијата Fila X Versailelles, која пак е наменета за љубителите на голф.
Ревијата се одржа во Chateau de Maintenon каде имаше голем број на познати гости и љубители на модата. Тати веќе неколку години работи како интернационален модел и беше дел од многу кампањи за Miss Sixty, Champion, Stradivarius, Tally Weijl, Prada и Gucci.
„Нашата убавица во светскиот моделинг ја застапува модната агенција Next Models која пак важи за една од трите најдобри агенции во светот. Горди сме и бескрајно благодарни на Јелена Ивановиќ (JS Management), која препозна модел од светски размери,“ велат од нејзината матична агенција Моделс ИН Менџмент од Скопје.