Во сообраќајката која се случи синоќа кај Гевгелија загинал 63-годишен маж од селото Богородица, а повредени се девет лица, од кои две потешко, информираа од МВР.
ПОВРЗАНИ ВЕСТИ
Едно лице загина во сообраќајка со четири возила на патот Гевгелија-Богданци
Во несреќата учествувале автомобил „мерцедес“ со регистарски таблички од друго возило, управувано од Б.М .(48) од Македонска Каменица, во кое превезувал и криумчарел седум мигранти од Сирија, „опел корса“ со гевгелиски регистарски ознаки, управувано од Б.Ј. (63) од село Богородица, гевгелиско, „хјундаи“ со гевгелиски регистарски ознаки, управувано од Д.Т. (42) од Гевгелија и „мерцедес“ со гевгелиски регистарски ознаки, управувано од Ѓ.Ќ. (37) од село Стојаково.
-Во несреќата, од здобиените повреди починал Б.Ј., а смрт констатирал лекар од Итна медицинска помош. Со тешки телесни повреди се здобиле возачот Б.М. и Е.Ј. (63), сопатничка во возилото „опел корса“, додека со телесни повреди се здобиле мигрантите, констатирани во болницата во Гевгелија.
Увид на местото извршиле екипа на Полициската станица Гевгелија и јавен обвинител, по чија наредба телото на починатиот било дадено на обдукција, информираа од таму.