Во првите три месеци од годинава, Жито Лукс АД Скопје, остварил добивка пред оданочување во износ од 2,2 милиони денари, што претставува подобар резултат за 2,1 милиони денари споредбено со минатогодишниот резултат, информираат од таму преку Македонската берза.
-Оперативниот профит е зголемен за 1,6 милиони денари. Бруто добивката е зголемена за 15 милиони денари, при што се реализираше бруто маржа од 33%, велат од таму.
Вкупните приходи од продажба се зголемени за 1% во споредба со минатата година.
-Компанијата го зголеми обемот на продажбата за вкупно 27%, но поради пониските цени, ефектот на вредност е +1%. Просечните продажни цени на главните категории производи беа намалени – кај традиционалниот леб за 23%, додека кај брашното за домашна употреба за 15%.
Останатите оперативни приходи, во износ од 2,8 милиони денари, се зголемени за 51% во споредба со истиот период минатата година.
Трошоците на произведени производи, во износ од 191 милиони денари, се намалени за 6% споредбено со минатата година, поради пониската цена на инпутите.
Останатите оперативни трошоци се зголемени за 19%, воглавно како резултат на зголемување на трошоците за рекламирање кои го поддржуваат ребрендирањето на компанијата, велат од таму.
ПОВРЗАНИ ВЕСТИ
За членовите на НО на Жито лукс месечен надоместок од 300 евра
Жито Лукс лани со зголемена добивка