Апелациониот суд во Скопје на Бојан Јовановски – Боки 13 му ја намали казната затвор за случајот „Рекет“ од девет на пет години.
Одлуката следува по поднесеното барање од страна на одбраната на Јовановски, за преиначувања на одлуката на првостепениот суд, без повторување на постапката.
Јовановски претходно бараше, но Кривичниот суд го одби барањето за повторување на судењето.
Според адвокатите, судиите ја донеле пресудата поради нови околности, односно до нив била доставена медицинска документација на Јовановски, во која била опишана неговата здравствена состојба. Лекарите констатирале дека не може да биде лекуван во затворски услови, бидејќи му бил отстранет дел од желудникот и од тенкото црево.
Во документацијата имало информација и за неговата состојба по двете операции додека бил во затвор.
Јовановски во моментов е надвор од затвор, со отпуст за лекување дома.
ПОВРЗАНИ ВЕСТИ
„Ми падна косата, ставена ми е вештачка„: Боки 13 прозборе за здравствените проблеми
Боки 13 останува на слобода, во затвор нема услови да се лекува
Боки 13 најави документарно-игран филм “Рекет“
Фото: Инстаграм/Јовановски