Актуелниот претседател на Хрватска, социјалдемократот Зоран Милановиќ (58) останува на функцијата.
На вчерашните претседателски избори во Хрватска освои над 74% од гласовите, а неговиот противкандидат, поранешниот министер за образование и наука, Драган Приморац, околу 26%.
ПОВРЗАНИ ВЕСТИ
Зоран Милановиќ останува претседател на Хрватска
Првпат за претседател беше избран во 2020 година.
Потекнува од партизанско семејство
Станува збор за политичар со повеќегодишно искуство. Тој беше лидер на Социјалдемократската партија на Хрватска од 2007 до 2016 година, како и премиер на земјата во периодот 2011-2016 година.
Тој доаѓа од партизанско семејство, неговите предци учествувале во ослободувањето на Трст, но сепак бил тајно крстен со оглед на тоа што неговата мајка била религиозна.
Тој е оженет со Сања Мушиќ со која има два сина Анте Јаков и Марко.
Поранешен боксер
Како млад се занимавал со спорт, а сакал и бокс.
По завршувањето на Правниот факултет во Загреб, тој почнува да работи во Министерството за надворешни работи на Хрватска. Работел како советник во хрватската мисија во НАТО и Европската Унија (ЕУ) во периодот 1996-1999 година, кога и се приклучува на Социјалдемократската партија.
Во меѓурвреме, во 1998 година станува магистер по Европско право на студии во Брисел.
Во 2003 година е ангажиран како асистент на министерот за надворешни работи на Хрватска за мултиратерални политички прашања.
Советник на Еди Рама
Како премиер е познат по воведување големи даночни промени во Хрватска, како и ратификација на хрватското членство во ЕУ и организирањето референдум за ова прашање.
Потоа, тој ја напушта политиката и влегува во консултансткиот бизнис основајќи ја фирмата „ЕуроАлба“.
Во 2017 година станува советник на албанскиот премиер Еди Рама и претседател на Димпломатскиот совет на Даг Хамарскјолд Универзитетот за Меѓународни односи и дипломатија.
Фото: Милановиќ/Фејсбук