Мухсин Арифи, в.д. директорот на Специјализираната болница за геријатриска и палијативна медицина „13 ноември“, кој заврши во притвор поради поткуп од 20 илјади евра не пријавил каков имот поседува во Државната комисија за спречување корупција (ДКСК), што му е обврска, велат од таму за еМагазин.
Како што соопшти Основното јавно обвинителство за гонење организиран криминал и корупција тој барал поткуп од 100 илјади евра, а на крај беше уапсен со 20 илјади евра.
ПОВРЗАНИ ВЕСТИ
Тој е исклучен од неговата партија Алијанса за Албанците (крилото на министерот за здравство, Арбен Таравари) и е разрешен од партиската позиција – претседател на огранокот на партијата во скопски Сарај.
ПОВРЗАНИ ВЕСТИ
Притворениот директор на Геријатрија исклучен од Алијанса за Албанците
-Ве известуваме дека в.д. директор има обврска да достави изјава за имотна состојба и интереси до Државната комисија за спречување на корупцијата, при избор и престанување на функцијата, согласно член 82 од Законот за спречување на корупцијата и судирот на интереси.
Лицето Мухсин Арифи – в.д. директор на Специјализираната болница за геријатриска и палијативна медицина „13 ноември“, не фигурира како подносител на изјава за имотна состојба и интереси и анкетен лист во електронскиот систем за поднесување на изјава за имотна состојба и интереси на Државната комисија, велат од ДКСК.
ПОВРЗАНИ ВЕСТИ
Уапсениот директор на Геријатрија примил поткуп од 20.000 евра за да смести неподвижно лице
Фото: Арифи/Фејсбук