360 степени објави список од Министерството за економија, на ноќни клубови низ Македонија кои поседуваат лиценци.
На истиот има клубови со 23 важечки лиценци, кои траат една година.
Во Скопје лиценца имаат два клуба, а најмногу имаат во Охрид, пет.
Во Битола има четири, а во Куманово три.
Од Владата вчера информираа дека Државниот пазарен инспекторат досега извршил 50 контроли на клубови, при што биле презентирани 22 лиценци со рок на важност и 15 со истечена важност.
На некои места од клубовите немале никакви лиценци.
Во Скопје биле контролирани 13 објекти, од кои само 2 поседувале важечки лиценци (за кабаре), 8 имале истечени лиценци, а 3 објекти немале никаква лиценца.
Во Куманово имало 3 објекти, сите со важечки лиценци за кабаре.
Во Штип, Виница и Делчево по еден објект бил регистриран како кабаре и сите поседуваат важечки лиценци.
Во Струмица имало 4 објекти, 2 со важечки лиценци за диско-клуб, 1 со важечка лиценца за диско-клуб на отворен простор, а 1 со истечена лиценца.
Во Гевгелија имало еден објект со истечена лиценца.
Во Велес имало еден објект со важечка лиценца за диско-клуб.
Во Битола имало четири објекти – три со важечки лиценци за кабаре, а еден со важечка лиценца за диско-клуб на отворен простор.
Во Прилеп имало два објекти, и двата се со истечени лиценци.
Во Кавадарци имало еден објект со важечка лиценца.
Во Велес имало еден објект со важечка лиценца за кабаре.
Во Неготино имало еден објект со истечена лиценца.
Во Охрид имало четири објекти – два со важечки лиценци, еден со важечка лиценца за диско-клуб, а еден објект е без лиценца.
Во Кичево имало еден објект со важечка лиценца за кабаре.
Во Гостивар имало еден објект со истечена лиценца.
Во Тетово имало шест објекти, од кои за четири нема податок, а два се со истечени лиценци.
ПОВРЗАНИ ВЕСТИ
Илчо Гоцевски од Кочани, возачот на Брза Помош кој почина, 11 пати возел до Скопје кобниот ден
(Вознемирувачко) Страшни сцени: Нова снимка од пожарот во дискотеката во Кочани
Фото: Унсплеш