Според информации на Центарот за управување со кризи (ЦУК) во Македонија во последните 24 часа се регистрирани 23. пожари на отворено, од кои три се активни, а шест се под контрола.
Активни се пожарите во Општина Македонски Брод, во пределот меѓу селата Тажево и Брезница на кракот кон Националниот парк Јасен, во Општина Демир Хисар и во Општина Охрид, на Илинска Планина, во реонот кај селата Витово, Базерник, Мало Илино и Брежани и во Општина Дојран и Општина Богданци во реонот кај селото Фурка во правец кон Богданци.
Под контрола се пожарите во Општина Охрид на планината Галичица и помеѓу селата Косел – Расино – Опеница – Вапила, во Пробиштип помеѓу селата Зелениград и Јамиште, во Македонски Брод кај село Слатина, во Пласница кај село Латово кој е сѐ уште активен, а тој кај Пласница е изгаснат и во Делчево каде што гори депонија.
Фото: ЦУК