Уште кога ќе влезете во канцеларијата на портфолио менаџерот Коста Костадиновски, основач на Капитал Ассет Менаџмент, веќе Ви е јасно со што се занимава.
На неколкуте екрани на неговото биро се вртат графикони, берзански податоци, информации за акции…
Тој е финансиски советник со положен стручен испит за инвестициски советник, застапник во осигурување, пензиски агент и инвестициски агент.
Во истата дневно поминува по 7-8 часови, а како што вели знае да стане и неколку часа пред стартот на работното време за да ги проследи најновите информации за бизнисот.
На неговото биро чува и фотографија од семејството, сопругата Елена, која исто така работи во сферата на финансиите во јавна управа и синовите Горјан и Стефан.
Впечатлива е и рамката во која се урамени паричките, кои гостите ги фрлиле за среќа на отварањето на канцелариите.
На централниот ѕид се истакнати сертификати и благодарници за неговото работење и доедукација.
Чува и спомени од бројните конференции и семинари на кои бил во земјава и странство.
Неговата канцеларија открива уште една негова голема страст освен финансиите – автомоблизмот.
Ако не влегол во овој свет, сигурно професионално ќе се занимавал со автомобилизам, вели Костадиновски, кој аматерски во слободно време посветува време и за оваа страст.
Мебелот во канцеларијата си го избрал сам и си го монтирал самиот.
Сите стории од рубриката “Канцеларија“, ОВДЕ.