Македонската претседателка Гордана Сиљановска Давкова, од вчера е во Швајцарија на Мировен самит за Украина, кој се одржува во Биргеншток, планинско одморалиште во близина на Луцерн.
Таму како што информираа од нејзиниот Кабинет, синоќа имала кратка средба и со потпретседателката на САД, Камала Харис, на која и се заблагодарила за континуираната поддршка на земјава.
Сиљановска Давкова денеска ќе има и свое обраќање на Самитот, а вчера имаше средба и со претседателот на Полска, Анджеј Дуда, на која биле разменети мислења за билатералните односи меѓу двете земји, за состојбите во регионот и за глобалните безбедносни предизвици, велат од нејзиниот Кабинет.
Фото: Кабинет на претседателката
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.