Во периодот од 06.08.2021 до 13.01.2022 година на територија на државата 85.593 граѓанин се позитивни од тестирани на Ковид-19, од нив 37% биле целосно вакцинирани, односно 32.079 лица, покажува анализата на Министерството за здравство.
Голем е бројот на невакцинирани граѓани кои се заразиле со Ковид 19.
„Според статистиката за изминативе месеци, 53.514 граѓани, односно 63% од позитивните на Ковид-19 не биле вакцинирани. Според извештаите од болниците моментално се хоспитализирани 340 лица, a од нив 19% се вакцинирани, 81% не се вакцинирани.
Изминативе неколку недели, притисокот врз болниците е намален што се однесува до хоспитализациите, но зголемени се амбулантските прегледи, кои се движат и до стотина пациенти на ден, од болница,“ се вели во соопштението.
ПОВРЗАНИ ВЕСТИ
78% од починатите од Ковид-19 од август лани до јануари годинава не биле вакцинирани
Фото: МЗ