Доајенот на македонското радио-новинарство Мира Костиќ на новогодишната прослава кај собранискиот спикер Талат Џафери, се збогуваше со нејзината тридецениска професионална кариера известувач од Собранието.
Џафери пред неполн месец и врачи Признание за нејзината долгогодишна работа, синоќа пак, и подари врамена фотографија.
Костиќ истакна дека ваква чест не и била укажана од ниту еден од собраниските спикери и се заблагодари на тридецениската соработка. На пратениците им порача да работат за интересите на народот и им посака уште поуспешна година.
Новинарката Костиќ беше испочитувана и од нејзините колеги. Таа на 27 декември полни 67 години и оди во пензија. Целиот свој тридецениски стаж го помина како собраниски известувач. Синоќа, веројатно ја зема и последната изјава од претседателот на Собранието, Талат Џафери.
Костиќ е добитник и на наградата „Мито Хаџивасилев Јасмин“.
