Компанијата „Макотен“ како носител на дејноста на казинот „Фламинго“ хотел, Гевгелија денеска по електронски пат ги извести Владата, Министерство за здравство и Општина Гевгелија дека ги става на располагање нивните ресусри, информираат од таму.
„Казино „Фламинго“ хотел, Гевгелија има сместувачки капацитет од 17 апартмани, 42 соби од кои една соба за лица со посебни потреби, кои можат да бидат користени како место за изолација или карантин. Хотелот може месечно да одржува 7.000 килограми чиста постелнина по најсовремени стандарди. Персоналот во хотелскиот ресторан е во можност да подготвува 1.500 оброци дневно.
Истовремено „Фламинго“ располага со 2.000 килограми свежо овошје и зеленчук како и 2.000 јајца кои се се подготвени да ги донираат каде што ќе одлучи Владата,“ се вели во соопштението.
ПОВРЗАНИ ВЕСТИ
Убав гест од „Номад“: Бесплатно кафе и сокови за персоналот од Државната болница
Поради корона вирусот германската Амбасада времено ги затвора конзуларното и визното одделение
„Гардијан“: Епидемијата на коронавирусот во Британија ќе трае до следната пролет во 2021 година
Фото: Фламинго/Фејсбук