Министерот за здравство, Венко Филипче, на денешната прес конференција информираше дека четири медицински сестри од инфективното одделение од Штип се во самоизолација, откако имале контакт со пациентка заболена од коронавирусот, која била позитивна по второто тестирање.
„Има 80-годишна пациентка од Штип која била таму примена првпат на 26 март, првиот брис е негативен, тогаш е пратена на консултација и вратена назад од Скопје.
Таа се лекувала на Одделението за инфективни болести, има влошување на состојбата и на 30-ти повторно е упатена на Инфективната клиника.
Тестот е позитивизиран, а заради внимание четири медицински лица ќе бидат во самоизолација. Тие се асимптоматски, направена е прераспределба на медицинските сестри, осум дополнителни ќе ротираат од други одделенија во болницата во Штип на Одделението за инфективни болести за да се надокнади персоналот кој ќе биде во самоизолација, рече Филипче.
ПОВРЗАНИ ВЕСТИ
Медицинска сестра од Клиниката за пулмологија позитивна на коронавирусот
Вкупно 354 заболени од корона вирусот: Потврдени нови 25 случаи, по седум во Скопје и Куманово