Од досегашните резултати од проверката на затворениците и лицата кои се во притвор во затворот во Шутка, нема позитивни на вирусот Ковид-19, изјави министерот за здравство, Венко Филипче на денешната прес конференција.
– Во затворот во Шутка, интензивно се работеше во изминативе денови, во насока на интензивни клинички прегледи од страна на лекари од Здравствениот дом Скопје, на сите луѓе што се сместени во сите блокови.
Интензивно беше земен материјал од голем број луѓе сместени во одредени блокови каде беше сместено лицето кое почина. Секако имаше проверка и дадени се соодветени насоки од страна на епидемиолозите за вработените, согласно информациите на контактите на лицето кое почина. Состојбата е детално аналзирана, рече министерот Филиче.
На 8 април годинава, по еден месец во притвор, еден граѓанин од Ресен почина во затворот во Шутка.
По обдукцијата на телото на починатиот беше утвредено дека тој бил позитивен на Ковид-19.
По овој настан во овој Казнено-поправен дом дојде до револт на затворениците кои бараа да се преземаат мерки за заштита од коронавирусот.
МИА
ПОВРЗАНИ ВЕСТИ
Убава вест: 7 здравствени работници се оздравени и вратени на работа
Убава вест: Четиримесечното бебе, кое е најмлад пациент заболен од Ковид-19 во стабилна состојба
Лаборант од Клиниката за детски болести заболен од коронавирусот