Владата отвори нов информациски канал на „Вибер“, за точно и навремено информирање на граѓаните со официјални и проверени информации поврзани со справувањето со корона вирусот.
„Првиот владин комуникациски канал на „Вибер“ (Viber Community) може да се најде под името „Коронавирус МК Koronavirus“, исто како и останатите комуникациски алатки кои Владата интервентно ги отвори со цел интензивирање на комуникацијата со граѓаните за полесно справување со коронавирусот.
Во тој пакет е и официјалната веб-страна koronavirus.gov.mk, мобилната апликација за „Андроид“ и „ИОС“, како и наменските профили на социјалните медиуми „Фејсбук“, „Инстаграм“ и „Твитер“,“ се вели во соопштението од Влада.
Целта на новиот канал за комуникација на „Вибер“, како што информираат, е брзо, целосно и точно информирање на граѓаните за сите мерки за справување со корона вирусот од институциите, најнови информации од Министерството за здравство, како и помош на сите граѓани на кои им е потребна точна информација поврзана со ситуацијата.
„Ги повикуваме сите граѓани да се приклучат на „Коронавирус МК Koronavirus“ „Вибер“ заедницата, за добивање точни, официјални и брзи информации поврзани со Ковид-19 на својот мобилен телефон,“ се додава во соопштението.
ПОВРЗАНИ ВЕСТИ
(Фото) 85 годишната Елена Макалоска најстар излекуван пациент од коронавирусот во Прилеп
Убава вест: Од коронавирусот излекувани 75 здравствени работници во Македонија