Вчера напладне (1 август) во јавно и транспарентно извлекување пред посетителите на Веро центар беа извлечени добитниците на двете главни награди во големата наградна игра „Веро ве изненадува и со пежо ве наградува“.
Од големиот куп пристигнати купони беа извлечени имињата на двајцата најсреќни добитници на автомобил пежо 208 и скутер хамачи ил бело.
Финалето на големата наградна игра на Веро го заокружија имињата на двајцата најсреќни добитници. Вредниот автомобил пежо 208 заврши кај Ана Наумовска од Тетово, додека добитник на скутерот хамачи ил бело е Лазиме Терзија од Тетово.
На главното извлекување му претходеше последното коло од извлекувањата за неделните награди, во кои Веро во изминатите неколку недели додели вкупно 6 тротинети, 12 велосипеди, 30 рачни часовници касио, како и по 30 ваучери од по 1.000 и 2.000 денари.
– Нашата главна цел во работењето е на потрошувачите да им овозможиме најдобра услуга, најквалитетни производи и најдобри цени. Но, задоволството е огромно кога на потрошувачите им приредуваме огромна радост доделувајќи им вредни награди. Во изминатите недели пристигнаа огромен број купони што ни докажа дека имаме навистина лојални потрошувачи кои му веруваат на Веро.
Тоа нѐ прави многу горди и ни дава поттик да продолжиме да им го нудиме најдоброто. Им честитаме на сите добитници на награди во оваа наградна игра, а тие што овојпат немаа толку среќа во следниот период ќе продолжиме да ги изненадуваме со нови наградни игри, како и со привлечни акции и понуди – велат од менаџментот на Веро.
Наградната игра „Веро ве изненадува и со пежо ве наградува“ траеше од 15 јуни до 31 јули и во неа учествуваа сите потрошувачи кои во Веро маркетите направиле сметка повисока од 300 денари за селектирани производи кои беа посебно обележани на рафтовите. Интересот за учество во наградната игра беше огромен поради големиот фонд на многу вредни награди.
Имињата на добитниците на двете главни награди, како и на неделните награди, јавно беа објавени на извлекувањето во Веро центар, а објавени се и на Фејсбук страницата Веро маркети.
КОМЕРЦИЈАЛНА ОБЈАВА