Нови 18 лица се заразени со коронавирус, а петмина се оздравени, покажуваат денеска податоците од Министерството за здраство за Кичево. Со тоа вкупниот број на заразени со Ковид-19 во оваа општина достигна 219 лица, од кои 133 се активни, 77 се излекувани и девет лица се починати.
-Денеска кај нас имаме навистина голема бројка дури 18 новозаболени лица и сите се лекуваат во домашни услови под надзор на матичниот лекар, и се разбира дека со во изолација.
За среќа пак имаме пет лица оздравено од коронавирусот, информира Д-р Џабир Бајрами, член на Општинскиот кризен штаб во Кичево.
Тој упати сериозен апел до сите граѓаните да се држат до препораките дадени од надлежните здравствени институции.
МИА/Фото: Општина Кичево
ПОВРЗАНИ ВЕСТИ
Скопјанка на 51 година почина од корона вирусот
Нови 141 случаи на заразени од корона вирусот