Во Софија, Бугарија, вчера имаше неуспешен обид за организирање на т.н. Луков марш од страна на различни бугарски националистички групи во спомен на генералот Христо Николов Луков, под мотото „Ние не капитулираме“.
Како што пренесоа бугарските медиуми, кратко откако учесници на маршот се собрале во центарот на Софија, градоначалничката Јорданка Фандакова издала наредба за забрана на собирот, по што полицијата ги разделила насобраните граѓани во помали групи.
Far-right activists gathered in #Sofia on Saturday to pay tribute to #WorldWarII General #HristoLukov, a politician known for his #Nazi affiliations. They were met by an #antifascist counter-protest.#Bulgaria pic.twitter.com/UpHDAkopQO
— Ruptly (@Ruptly) February 14, 2021
Според наредбата од градоначалничката им бил забрането да маршираат низ Софија, но им било дозволено да се соберат пред куќата во која живеел Луков. По интервенцијата на полицијата, тие се упатиле кон куќата во која живеел генералот.
Пред одржувањето на Луковиот марш, пред Музејот за историја во Софија, се собрала и друга група на граѓани кои протестирале под мотото „Без нацисти на нашите улици“.
Минатат година софиските градски власти го забранија маршот, но оваа година не.
Луковиот марш се организира од 2003 година од страна на крајно десничарската неформална организација Бугарски национален сојуз предводена од Звездомир Андронов. Ова групација се обвинува за ширење на неофашистички, неонацистички, расистички и хомофобични идеи.
Христо Николов Луков бил бугарски генерал и министер за војна на Царството Бугарија во периодот 1935 – 1938 година. Тој бил раководител на крајно десничарската организација Сојуз на бугарските национални легии и имал блиски односи со водачите на Нацистичка Германија. Со својата дејност го промовирал нацизмот во Бугарија.
Фото/видео: Луковмарш/Фејсбук/You tube/Твитер/Ruptly