Макстил АД Скопје за периодот јануари – декември 2020 година оствари позитивни финансиски резултати искажани во неревидираните поединечни финансиски извештаи, информираат од компанијата преку Македонската берза.
„Во извештајниот период се остварени приходи од работење во износ од 4 милијарди денари, од кои приходите од продажби како носечка ставка во структурата на вкупните приходи учествуваат со дури 98%.
Споредено со 2019 остварените приходи од работењето (5,3 милијарди) се помали за 23,5%.
Добивката пред оданочување во извештајниот период е 91,5 милиони денари и е неколку пати повисока од остварената во 2019, додека нето добивката изнесува 82,4 милиони денари.
Во текот на 2020 остварените расходи од работењето изнесуваат 3,52 милијарди денари, од кои трошоците за производство се носечка ставка и во структурата на вкупните расходи учествуваат со 60%.
Споредено со истиот период во 2019 година остварените расходи од работењето (5,67 милијарди денари) се пониски за 38%, што воглавно се должи на намалениот обем на производство во текот на овој период како и на подобрениот извадок старо железо – слаб“, велат од компанијата.