Лани на 22 март заради заштита од коронавируст беше воведен првиот полициски час во државата кој траеше од 21 часот до 6 часот наутро.
Тогаш Јавното обвинителство излезе со соопштение дека ќе одговараат со затвор до една година сите оние кои не го почитуваат полицискиот час, бидејќи ќе се смета дека шират зараза.
Граѓаните ќе бидат обвинети за кривично дело по член 206 од Кривичниот законик – Непостапување според здравствените прописи за време на епидемија.
„За ставот 1 од член 206, за кој е пропишана одговорност на физичко лице, предвидена е парична казна или затвор до една година, а во ставот 2, ако делото го стори правно лице, пропишана е парична казна до 30 милиони денари (околу 490.000 евра)“, информираше Јавно обвинителство.
Вечерва започнува полициски час кој ќе трае од 22 до 5 часот наутро, а предвидени се истите казни.
Мерката би траела до 22 март, а дали ќе има продолжување ќе зависи од епидемиолошката состојба која е влошена.
Вчера беа регистрирани 872 нови случаи, а од почетокот на епидемијата 108.350.
ПОВРЗАНИ ВЕСТИ
Ланските дозволи за движење што ги издаваше МИОА ќе важат и за претстојниот полициски час
Сите детали: Кој и како ќе може да се движи за време на полицискиот час?
Фото: МЗ