Премиерот Зоран Заев смета дека нашата држава е во предност, бидејќи се доцни со вакцини, бидејќи ете ќе знаеме дека се безбедни.
„Има една предност што сме, така да кажам, земја со задоцнување со вакцините. Земјите членки на ЕУ почнаа пред нас и можевме да согледаме предности и слабости, а од тоа може да извлечеме единствена констатација дека вакцините се здрави, треба да ги користиме сите,“ рече Заев.
Тој верува дека ќе се испочитува редоследот кој е даден од страна на Комисијата за заразни болести, а тоа се, покрај здравствените работници, повозрасните луѓе, хронично болните.
„Тука се приоритетите на попишувачите кои треба да тргнат. Секако дека треба да водиме грижа за нашата полиција, војска, тоа се секако групи, но понатаму, согласно она што значи препорака од страна на здравствените комисии, да го следиме тој процес и да бидеме одговорни“, рече Заев.
Тој се надева дека ќе има голем одзив од населението за имунизација.
ПОВРЗАНИ ВЕСТИ
Македонците викендов во „поход“ на Србија за вакцинација против Ковид-19
Фото: Влада