Податоците на Институтот за јавно здравје (ИЈЗ) за периодот од 22 до 28 март покажуваат дека најмногу заболени со Ковид-19 за овој период има лицата на возраст од над 60 години.
“Регистрирани се заболени лица во сите возрасни групи.
Најзастапена е возрасната група на лица на возраст над 60 (n=2.060, 27,8%).
Голем број на заболени се регистрира и кај лицата во возрасните групи од 40-49 (n=1.364; 18,4%), 30-39 (n=1.355; 18,3%), 50-59 (n=1.316; 17,7%) и 20-29 (n=865; 11,7%).
Најмал број е регистриран кај децата од 0-9 (n=134; 1,8%) и 10-19 години (n=324; 4,4%).
Најголемо процентуално зголемување во однос на претходната недела е забележано кај возраснaта група од 60+ (16,3%).
Во однос на дистрибуцијата по пол, пријавени се 3.682 (48,2%) лица од женски и 3.736 (50,4%) од машки пол.
По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 4.056 лица кои биле хоспитализирани или на домашно лекување, со зголемување од 21,3% во споредба со минатата недела“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
Раст од 7,5%: За една недела 7.418 нови случаи на Ковид-19
13 лица биле на возраст од 20 до 49 години: За една недела 204 смртни случаи од Ковид-19
Фото: МЗ