Со прележување на болест се создаваат повеќе различни видови на антитела. Најголем дел од вакцините предизвикуваат создавање на само еден тип на антитела, за кои е докажано дека се исклучително ефикасни во справување со вирусот. Еднаш создадени по вакцинирање или прележување на болест, антителата не се разликуваат, вели во разговор за „Локално“, директорот на Институтот за имунобиологија и хумана генетика при Медицинскиот факултет на Универзитетот „Кирил и Методиј“, д-р Александар Петличковски.
-Луѓето кои имаат прележано болест и добијат една доза на вакцина, постигнуваат дури и подобар имунитет од луѓето кои немаат прележано болест, а ќе се вакцинираат со две дози на вакцина.
По вакцинација, можно е човек да се зарази, но гарантирано е дека неговата болест нема да има сериозен тек, вели Петличковски.
ПОВРЗАНИ ВЕСТИ
22 лица во Македонија починале, а 664 се заразиле со Ковид-19 и покрај тоа што примиле вакцина
Фото: МИА/Општина Карпош