Професор д-р Нико Беќаровски од Клиниката за токсикологија за емисијата „24 анализа“ на ТВ 24 вели дека не е само да се излечи коронавирусот. Последиците кои ги остава се катастрофални.
“Во моментов во државата доминира стомачен вирус, клиниките се преплавени со таа патологија. Ситуацијата со ковидот е смирена, но тој не е комплетно загубен“, вели тој и дополнува:
“Кај пост-ковид синдромот нема орган којшто не е зафатен и врз кој нема краткотрајни или долготрајни последици.
Секако, најголем процент од зафатеноста е врз белите дробови. Вирусот проаѓа, но тоа ткиво не може да се врати комплетно во нормалата и кај голем процент од пациентите нема да се врати потполно.
Ако претходно сме имале 100 проценти витален капацитет, зависно од оштетувањата, тој капацитет е намален. Човек којшто не може да внесе доволно кислород, полесно се заморува, потешко дише, итн.
Исто така, кај голем број од пациентите имаше воспаление на срцевиот мускул. Оние коишто прележаа Ковид-19 имаа проблем со регулација на шеќерот – ако претходно било доволно 12, 16, или 18 единици да се регулираа шеќерот, сега се потребни многу повисоки дози.
Има студии коишто докажаа дека кај пациенти коишто прележаа Ковид-19, бројот на активни сперматозоди е намален петкратно. Ако претходно имале милион“, сега имаат 200 илјади, објасни Беќаровски.
ПОВРЗАНИ ВЕСТИ
Доктор Беќаровски: “Синофарм“ е идеална вакцина за тие што прележале Ковид-19, ама има две маани
Доктор Беќаровски објаснува како Ковид-19 влијае на сперматозоидите во спермата
Фото: ТВ 24