Министерот за здравство Венко Филипче поднел пишана оставка до премиерот Зоран Заев.
„Пред година ипол го регистриравме првиот ковид случај во нашата земја, го паметам тој ден имавме две прес конференции. Од тој ден до денес секогаш пред граѓаните стоев отворено и транспарентно, соопштувајќи ги сите добри и лоши вести.
Никогаш не бегав од критика, никогаш не останав должен одговор, никогаш не се откажав од битката да ја победиме пандемијата. Сите одлуки кои ги донесовме беа со една единствена цел, а тоа е да се заштити здравјето на граѓаните.
Последната трагедија во Тетово многу ме погоди, многу жалам за загинатите, сочувствувам со нивните семејства. Нема зборови кои тоа може да го опишат ниту начин да се надомести загубата.
Како лекар и министер имам интегритет и затоа денеска од морални причини понудив пишана оставка до премиерот Зоран Заев,“ изјави Филипче на прес-конференција, соопштувајќи ја оставката.
Денеска оставки поднесоа и заменик-министерот за здравство Илир Хасани и двајцата директори на тетовската болница.
ПОВРЗАНИ ВЕСТИ
Заменик-министерот за здравство Илир Хасани поднесе оставка
Двајцата директори на тетовската болница поднесоа оставки
Фото: Влада