еМагазин во серијал ќе Ви ги престави градоначалниците кои беа избрани во првиот круг од Локалните избори.
ПОВРЗАНИ ВЕСТИ
Конечна детална листа: Кои се избраните градоначалници во првиот круг на локалните избори
Кој е Александар Георгиевски
Александар Георгиевски, кандидатот на Илинден е новиот градоначалник на скопската општина Илинден.
Роден е во јули 1984 година во Скопје.
Дипломирал на Правниот факултет „Јустинијан Први“ при УКИМ во Скопје – политички науки во 2007 година и се стекнува со титула дипломиран политиколог.
Магистрирал на Факултетот за политички науки при Универзитетот “ФОН” – Скопје во 2013 година, на насока Европска и меѓународна политика и дипломатија.
Зборува англискиот јазик.
Оженет е, татко на едно дете.
Политичка кариера
Има професионално искуство во повеќе државни институции од 2008 година, каде работи во Министерството за надворешни работи и Министерството за правда до 2014 година, стои во неговата официјална биографија.
Во 2014 година работел во Агенција за странски инвестиции и промоција на извозот, каде работи како помошник раководител на Сектор за услуги на инвеститори.
Од 2015 година преминува во Министерството за труд и социјална политика каде од 2015 до 2017 година е вработен како раководител на Секторот за европски интеграции и меѓународна соработка, додека од 2017 година до денес е раководител на Секторот за стратешко планирање.
Георгиевски е член на ВМРО-ДПМНЕ од 1999 година, додека од 2004 година до денеска е во континуитет политички активен во ВМРО-ДПМНЕ, каде има извршувано голем број на функции, а во моментов е претседател на Општинскиот комитет на партијата во Илинден и член на Централниот комитет на ВМРО-ДПМНЕ.
На локалните избори во 2013 година за првпат е избран за советник во Општина Илинден, како дел од советничката листа на ВМРО-ДПМНЕ.
На локалните избори во 2017 година е носител на советничката листа на ВМРО-ДПМНЕ, и од тогаш до денеска ја извршува функцијата претседател на Советот на Општина Илинден.
Бил и член на Училишниот одбор на Средното училиште „Илинден“, од април 2013 до декември 2017 година.
Бил и претседател на Управниот Одбор на Музеј на Град Скопје, од декември 2010 до октомври 2013 година.
ПОВРЗАНИ ВЕСТИ
Кој е Анго Ангов, старо-новиот градоначалник на Дојран
Семејната династија продолжува: Кој е Алија Јаоски, новиот градоначалник на Пласница
Кој е Марко Колев, новиот градоначалник на Велес
Фото: Фејсбук/Георгиевски