Ќе излезе ли Данела Арсовска, градоначалничката на Скопје и од Надзорниот одбор на Капитал банка

За време на изборната кампања, новата градоначалничка на Скопје, Данела Арсовска, најави дека ако победи ќе ја напушти претседателската позиција во Сојузот на стопански комори (ССК) и дека ќе се откаже од статусот почесен конзул на Унгарија во Македонија.

ПОВРЗАНИ ВЕСТИ

(Фото) Која е професионално и приватно Данела Арсовска, првата жена градоначалник на Скопје

Ќе се откажам од статусот конзул на Унгарија и од претседател на ССК за да ја извршувам градоначалничката функција, изјави Арсовска

Арсовска исто така е и во Надзорниот одбор на Капитал банка.

Според податоци од официјалната страна на Банката, во вкупната акционерска структура на Капитал банка доминантен сопственик е Alfa Financе Holding групацијата, која поседува 98.43% од акциите (www.alfafinance.bg).

Волнарски комбинат “Тодор Циповски – Мерџан” Тетекс АД поседува 1.09% од акциите, додека ТТК Банка АД учествува со 0.48% од вкупната вредност на акции.

-Станувајќи дел од Alfa Finance Holding, водечка групација од Република Бугарија, активна во полето на финансиски услуги и извори на чиста и обновлива енергија, распространета низ цела Југоисточна Европа, од 2007 па наваму Капитал Банка промовира сосема видоизменет иновативен пристап, нова структура, менаџмент и стратегија на работење.

Холдингот е инволвиран во многу проекти ширум Бугарија и Југоисточна Европа (Албанија, Грција, Македонија, Романија, Србија, Турција и Украина), пишува на официјалната страна на Банката.

ПОВРЗАНИ ВЕСТИ

Арсовска, прогласена за „Бугарка“, стана градоначалник на Скопје, Заев поднесe оставка: Бугарските медиуми за изборите во Македонија

„Данела Арсовска предизвика земјотрес на Западен Балкан“: Српските медиуми за оставката на премиерот Заев

Фото: ССК