Поранешниот претседател на Демократската партија на Албанија (ДПА) и премиер, Сали Бериша вчера со свои симпатизери, насилно се обиде да го преземе седиштето на партијата во Тирана.
На Бериша и неговите приврзаници, му се спротиставија членови на партијата кои го поддржуваат актуелниот претседател Љуљзим Баша, по што настана хаос, а со солзавец интервенираше и полицијата.
Според Бериша, канцелариите на ДПА, нелегално се узурпирани од раководството на партијата и тој планира да отпочне процес за враќање на „вистинската“ Демократската партија.
За Баша, кој се огласи на Фејсбук, обидот за преземање на седиштето е грда претстава на насилство, а со тој чин Бериша си го запечатил својот последен ден во политиката.
“Апсолутното мнозинство од демократите го напуштија него и криминалците со кои бараше да ја уништи Демократската партија. Демократите денеска решително застанаа во одбрана на Домот на слободата, како единствена надеж на Албанците за промени“, напиша тој.
Фото/видео: Vizion Plus TV