Ковачевски се сретна со украинската амбасадорка Задорожњук: Руската агресија врз Украина е закана за мирот во Европа и светот

Претседателот на Владата, Димитар Ковачевски денеска ја прими амбасадорката на Република Украина, Наталија Задорожњук.

Амабасадорката Задорожњук на средбата ја изразила благодарноста на Владата на Украина за јасната и решителна позиција и поддршка на Владата на Македонија за нејзината земја, и како особено значајно го оценила приклучувањето на Македонија кон санкциите на ЕУ кон Русија, соопшти владината прес-служба.

Ковачевски во разговорот истакнал дека Македонија го осудува чинот на отворена воена агресија од страна на Русија врз Украина, и нагласил дека постапката на Руската Федерација со директен напад врз територијалниот интегритет и суверенитет на Украина е флагрантно кршење на меѓународното право.
 
Ковачевски потенцираше дека Македонија го поддржува суверенитетот и територијалниот интегритет на Украина во меѓународно признатите граници, и дека, како и останатите НАТО сојузници, ја оценува агресијата врз Украина како закана за мирот во Европа и светот, се вели во соопштението од прес-службата на Владата.

ПОВРЗАНИ ВЕСТИ

Безбедносната состојба во земјава е стабилна, има доволно стокови резерви и енергенси, заклучено на седницата на Совет на безбедност

Проценката во ЕУ е дека постои ризик од дестабилизација на Балканот, поради ситуацијата во Украина

Рот: Рускиот напад на Украина ја загрозува и цела Источна Европа, но и стабилноста на Западен Балкан

Фото: Влада