JП „Комунална хигиена“ ја известува јавноста дека се невистинити објавите на „извесни провокатори“ чии фотографии осамнаа на интернет дека го чистеле споменикот на Гоце Делчев во Градскиот парк во Скопје.
– Споменикот на Гоце Делчев, како и бројни други споменици низ градот, се предмет на вандалски чинови и оштетувања во континуитет. Само на споменикот на Гоце Делчев, Јавното претпријатие „Комунална Хигиена“ во изминатиот месец дури трипати има преземено акција на целосно чистење со соодветна механизација, средства и човечки ресурси, велат од ЈП „Комунална хигиена“.
Оттаму го осудуваат чинот што врз спомен-обележјата некој ставил знаме на странска држава.
– Тоа што некој врз нашите обележја става знаме на странска држава, а воедно лажно зема заслуги за работата на Јавното комунално претпријатие, презентирајќи ја како своја, дополнително е за осуда и ги повикуваме надлежните институции да го истражат случајот и да преземат соодветни мерки, велат од Јавното претпријатие.
Од ЈП „Комунална хигиена“ апелираат и повикуваат на свесност кај граѓаните да не се вандализираат и оштетуваат спомен обележјата и јавните површини.
ПОВРЗАНИ ВЕСТИ
Фото: Влада