Во најновиот број на модното списание ЕЛ-Србија во моден едиторијал се појавува нашиот модел Викторија Ристовска.
Препознатлива по специфичната портокалова коса и авангардниот изглед таа беше побарана од уредникот на списанието токму за овој урбан едиторијал. Токму пред две недели беше во Белград (Србија) каде покрај ангажманот за ова престижно списание настапи и на модната недела.
Ристовска иако подлго време работи како модел последнава година се чини дека е нејзина, бидејќи беше ангажирана за многу македонски дизајнери во нивните нови колекции (Мите Занов, Димитар Бабков, Јована Филиповиќ, Христијан Младеновски).
Нејзината матична агенција Моделс ИН Менаџмент во соработка со Фокс Моделс од Белград во моментов работат на нејзината интернационална кариера за подобар пласман на светската модна сцена.
