Во периодот од 01.01 до 31.12.2022 година Димко Митрев АД Велес оствари нето добивка од 424 илјади денари и во однос на истиот период од предходната година е помала за 20%, информира Друштвото преку Македонската берза.
-Остварен е вкупен приход од 376.902 илјади денари и во однос на вкупниот приход во 2021 година е поголема за 1%.
По структурата на застапеност во вкупните приходи нај големо учество имаат приходите од странскиот пазар и тие учествуваат со 91%, приходите од домашен пазар со 4 % и други приходи со 5%.
Во остварените вкупни приходи најголем дел се остварени приходи од продажба на сопствени производи и услуги наменети за извоз кој редовно се наплаќаат.
Вкупните расходи изнесуваат 376.279 илјади денари и во однос на вкупните расходи во 2021 година се поголеми за 1%. По структурата на застапеност во вкупните расходи нај големо учество имаат трошоците за суровини и репроматеријали и изнесуваат 190.259 илјади денари и во однос на истиот период од предходната година се поголеми за 18%.
Трошоците за енергија изнесуваат 15.775 илјади денари и во однос на истиот период од предходната година се поголеми за 34% Трошоците за бруто плата на вработените изнесуваат 129.548 илјади денари и во однос на истиот период во 2021 година се поголеми за 20% и истите редовно се исплаќаат.
Во пресметковниот период од 01.01. до 31.12.2022 година вкалкулирани се нето плати во вкупен износ од 85.697 илјади денари и задолжителни придонеси за нето плата во износ од 43.851 илјади денари, велат од Друштвото.
ПОВРЗАНИ ВЕСТИ
Велешки Димко Митрев со намалена добивка во првите шест месеци