Пекабеско АД Скопје за периодот јануари-март 2023 оствари позитивен финансиски резултат искажан во неревидираниот Биланс на успех, соопшти компанијата преку Македонската берза.
Вкупната сеопфатна добивка за овој период изнесува 17.187 илјади денари, а претходната година таа била 15.225 илјади денари.
-Остварените вкупни приходи од работењето во периодот јануари-март 2023 година изнесуваат 1.165 милиони денари и во споредба со остварените во истиот период во 2022 година бележат зголемување од 1%.
Во структурата на вкупните приходи најголемо учество од 99%, имаат приходите остварени со продажба на готови производи, стоки и услуги кои во споредба со остварените во 2022 година бележат зголемување од 1%.
Остварените вкупни расходи во периодот јануари-март 2023 година изнесуваат 1.160 милиони денари и во споредба со остварените во истиот период во 2022 година бележат зголемување од 2%, велат од таму.
ПОВРЗАНИ ВЕСТИ
На менаџерскиот тим на Пекабеско лани исплатени 105 милиони денари за плата и надоместоци
Пекабеско лани со добивка и зголемени приходи