На 15.09.2018 година околу 20.00 часот на пазарот „Европа“ во насeлба Шуто Оризари, шест полициски службеници од Полициската станица Чаир преземале мерки и активности со цел нормално одвивање на сообраќајот околу пазарот, каде што имало организиран панаѓур, информира МВР.
Но, при извршување на задачите биле омаловажувани од непознато лице кое управувало патничко возило со скопски регистарски ознаки. При обид да го легитимираат, лицето го стартувало возилото и во два наврати со предниот дел удрило во полициските службеници. После тоа, излегло од возилото и со група непознати лица физички ги нападнале полициските службеници. Три лица се лишени од слобода и се преземаат дополнителни мерки за целосно расчистување на случајот.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.