Црногорската полиција демантира дека синоќа во дискотека во Будва бил нападнат црногорскиот премиер, Дритан Абазовиќ.
Како што јавуваат локалните медиуми, според полицијата, во моментот кога Абазовиќ ја напуштал дискотеката Топ Хил синоќа во 2 часот и 30 минути, дошло до физички конфликт меѓу две групи млади момчиња, но тоа немало никаква врска со премиерот и неговото обезбедување, ниту пак во некој момент тој бил во опасност.
Како што велат од полицијата за РТЦГ, не е точно дека премиерот бил евакуиран и во моментот на инцидентот тој веќе излегувал од дискотеката.
„Инцидентот нема никаква врска со премиерот, ниту е загрозена неговата безбедност на кој било начин.
Солзавец беше употребен за да се потисне конфликт меѓу две групи млади мажи, но тоа нема никаква врска со премиерот, неговите движења или неговите обезбедувачи“, велат од полицијата.
ПОВРЗАНИ ВЕСТИ
Во дискотека нападнат црногорскиот премиер Абазовиќ, бил евакуиран со солзавец