Управата за јавни приходи (УЈП) ја објави Листата на должници бр.10/2023 за долгови доспеани до 30.06.2023 и неплатени до 30.09.2023 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
ПОВРЗАНИ ВЕСТИ
Фирмите поврзани со Мијалков остануваат во Топ 10 должници, на Листата на УЈП и Супертрејд транспорт
На Листата се објавени се 1.783 должници – правни лица (повеќе за 49 од претходната листа) и 3.629 физички лица (повеќе за 253 од претходната листа).
Вкупно објавениот нето долг во Листата бр.10/2023 изнесува 8.194.906.425 денари, (помалку за 110.631.456 денари од претходната листа).
Нето-долгот за даноци и придонеси изнесува 8.052.452.652 денари, (помалку за 69.672.507 од претходната листа), додека долгот за царински давачки е 142.453.773 денари (помалку за 40.958.949 денари од претходната листа).