Жена на возраст од 47 години од Скопје почина како резултат на акутно труење со пестицидот Метомил, попознат како Ланате, а сопругот и свекрвата завршија во болница.
И двајцата се во тешка здравствена состојба.
Тие се затруле од пита со праз која ја подготвила бабата, а случајот со труењето е пријавен во МВР на 17. октомври.
За случајот на Фејсбук се огласи и докторот Нико Беќаровски, откако во јавноста се прошири информацијата дека причина за труењето се празот и брашното.
-За да не се шири непотребен страв кај населението, причината за фамилијарното труењето и за жал еден изгубен живот со пестицидот Метомил (карбамат), попознат како Ланате, не е ниту “прсканиот праз”, ниту брашното во питата.
Инаку доволна е една лажичка концентриран прашок од овој пестицид да предизвика смрт на возрасен човек.
Повеќе информации барајте од МВР.
Најдлабоко сочувство до фамилијата на починатата, напиша тој.
Фото: МЗ