Скандал со газирани пијалоци ја тресе Хрватска. Неколку лица со повреди во системот за варење се примени во болниците во Риека, Вараждин и Загреб, откако конзумирале вакви пијалоци.
Надлежните институции ги утврдуваат причините за труењето, кое наводно настанало како последица на пиење на два производи на Кока-кола.
Компанијата привремено повлекува една серија Coca-Cola Original Taste, како и две ограничени серии Römerquelle Emotion Blueberry Pomegranate.
Од таму тврдат дека интерната анализа не покажала неправилности во производството или производите, и додаваат дека повлекувањето ќе биде до завршување на официјалната истрага.
Од Хрватскиот завод за јавно здравство велат дека „најверојатно станува збор за некои корозивни средства и најважно е да се утврди дали постои некое страно тело во тие пијалоци, бидејќи пијалокот сам по себе и целата содржина која е внатре не може да предизвикаат такви повреди“.
ПОВРЗАНИ ВЕСТИ
Во Македонија нема небезбедни минерални води и газирани пијалаци, тврдат од АХВ