(Фото) Кој е Гани Туша, осомничениот за убиството на Оки, чиј татко е убиен

Гани Туша, кој е осомничен за убиството на еден од водачите на групата „Дуќанџик“, Орхан Бајрами – Оки е повторно во фокусот на јавноста откако вчера беше убиен неговиот татко Зељкиф Туша.

ПОВРЗАНИ ВЕСТИ

Убиен таткото на Гани Туша, осомничениот за убиството на Орхан Бајрами – Оки 

Туша, кој е во притвор во Македонија, неодамна грчката полиција го осомничи и за двете убиства во кафулето „Шиша бар“ во Старата скопска чаршија во март лани.

Тој е член на групата „Барон“, соперничката група на „Дуќанџик“.

ПОВРЗАНИ ВЕСТИ

Лицето кое се сомничи за убиството на Орхан Бајрами – Оки, според грчката полиција е веќе во притвор во Македонија

Медиумите во Албанија тогаш објавија и негова фотографија.

Бидејќи беше баран со меѓународна потерница тој си го сменил презимето во Марку.

Во притвор во Шутка е од август лани, кога беше уапсен.

Тој според македонските органи се сомничи дека учествувал во купопродажбата на автомобилот „Ауди“, со кое убијците дошле до “Шиша бар“, а потоа го запалиле.

Медиумите објавија и дека е повратник од боиштата во Сирија и бил припадник на групата Ал Нусра.

Грчките власти сега бараат негова екстрадиција во Грција.

ПОВРЗАНИ ВЕСТИ

(Фото) Кој е Орхан Бајрами Оки, кој беше убиен во Ханиоти

(Фото) Убиениот Орхан Бајрами Оки престојувал во апартман во Ханиоти кој чини 600 евра на ден, заедно со уште четири лица

Криминалци најавуваат ликвидации на Тик Ток, прво за Оки, сега за Раде Трајковски – Штекли